Qiimaha noloshaadu

 

Qiimahaadu waa Booska aad Isdhigto -

 Sheeko

Beri hore ayaa waxaa meel magaalo ah 

kuwada noolaa nin xikmad badnaa iyo wiil yar 

oo uu dhalay, maalin maalmaha ka mid ah, 

ayaa wiilkii yaraa u yimid aabihiis wuxuuna ku 

yiri 'Aabe, waa maxay noloshayda qiimaheedu?' 

Aabihii madaxuu ruxay, xoogaa buu fakaray.

Aabihii dhagax buu soo qaatay, wuxuuna wiilkii 

ku yiri 'Aabe, dhagaxaan qaado, waxaad aadaa

suuqa, dhexmar suuqa, haddii qof ku 

weydiiyo,waa imisa qiimaha dhagaxa? ha u 

jawaabin kaliya labo farood kor u taag'

wiilkii yaraa wuxuu aaday suuqa, asagoo 

dhexmaraya suuqa, ayaa waxaa u yeertay 

islaan da' ah, waxayna ku tiri 'waa imisa 

qiimaha dhagaxa?' willkii ma hadlin labo farood 

ayuu kor u taagay. Islaantii waxay tiri 'haa labo 

doolar miyaa? boorsay furtay wiillkii yaraa $2 

bey siisay, dhagaxiina wey qaadatay. wiilkii 

asagoo faraxsan ayuu dib ugu laabtay aabihiis, 

wuxuuna yiri'aabe labo doolar ayaa dhagaxii la 

iga siiyey'.

Aabihii madaxa intuu ruxay buu yiri 'hagaag, 

hoo dhagaxaan kalena qaado, waxaad aadaa 

Matxafka (oo macnahiisu yahay meelaha lagu 

keydiyo waxyaalihii hore ee qadiimka ah, 

qaaligana ah), dhexmar matxafka, haddii qof ku 

weydiiyo qiimaha dhagaxa ha la hadlin ee labo 

farood taag

wiilkii yaraa mar labaad ayuu baxay wuxuuna 

aaday matxafka. asagoo matxafka dhexmaraya, 

ayaa waxaa u yeerey nin da'diisu iska 

dhexdhexaad tahay, wuxuuna ku yiri'waa imisa 

qiimaha dhagaxa?'

wiilkii yaraa ma hadlin labo farood ayuu kor u 

taagay. ninkii wuxuu yiri 'labo boqol oo doolar 

miyaa? Boorso uu watay buu furay, 

markaasbuu wiilkii siiyey $200. Wiilkii asagoo 

faraxsan ayuu aabihii u tagey oo ku yiri 'Aabe, 

dhagaxii labo boqol oo doolar baa la iga siiyey'

Aabihii madaxuu ruxay wuxuuna wiilkii ku yiri 

'Hagaag, hoo dhagaxaan saddexaad qaad, 

waxaadna aadaa, dukaanadda lagu qaddo 

dhagaxaanta qaaligaa sida dahabka iyo 

dheymanta, haddii qof ku weydiiyo qiimaha 

dhagaxa, ha u jawaabin ee labo farood kor u 

taag'

Wiilkii asagoo yaaban, ayuu aaday meelihii lagu 

gadi jirey dhagaxaanta qaaligaa, asagoo 

dhexmaraya, ayaa waxaa u yeertay, islaan da' 

ah, waxayna ku tiri 'Alla! dhagaxaan waa kaan 

noloshayda oo dhan raadinayey, waa imisa 

qiimahiisa?'

wiilkii ma hadlin, labo farood ayuu kor u taagay. 

Islaantii waxay tiri 'labo boqol oo kun oo doolar 

miyaa?' Boorso weyn oo ay wadatey intay 

furtay ayey wiilkii siisay $200,000 dhagaxiina 

qaadatay.

Wiilkii oo madaxu weynaaday la yaab dartiis, 

farxadna isla hayn la, ayaa aabihiis u tagey, oo 

ku yiri 'aabe....aabe, aabe dhagaxii waxaa la iga 

soo siiyey $200, 000'

Aabihii intuu madaxa ruxay oo dhoolo cadeey 

ayuu wiilkii ku yiri 'Hadda ma fahantay qiimaha 

ay noloshaadu leedahay?' wiilkii yaraa wuxuu 

yiri 'Maya, aabe ii sheeg'

Aabihii wuxuu yiri 'Noloshaada qiimaheedu waa 

hadba meeshaad nafsadaada dhigto, ama 

waxaad noqon dhagax labo doolar ($2)

qiimihiisu yahay ama waxaad noqon dhagax 

labo boqol oo kun oo doolar ($200,000) 

qiimihiisu yahay, adigu kala dooro kaad noqon 

lahayd‟

Ma fahantay xikmadda ku jirta sheekadda?.....

Hagaag, su‟aasha ugu weyn ee aad is 

weydiinayso ayaa ah „Sidee u kobciyaa ama u 

hormariyaa qiimaha nolosheyda si aan u noqdo 

dhagax qiimhiisu yahay $200,000?‟